“Do të blejmë një superlojtar para se të mbyllet merkato”. Sapo presidenti i Mancester City, Al Mubarak, tha këtë fjali, vërshuan lumë aludimet për lojtarë të ndryshëm.
Por askujt nuk i shkoi ndër mend se presidenti arab e kishte fjalën, as më shumë e as më pak, por për vetë Lionel Messin.
Klubi britanik është gati të paguajë klauzolën 300 milion euro që lidh Messin me Barcelonën dhe mediat franceze “e çojnë më tej” këtë arsyetim të çmendur, pasi e lidhin me pamundësitë e klubit katalanas për të qenë konkurues i trofeve në Spanjë apo atyre ndërkombëtare.
Sipas mediave, edhe largimi i Neymar dhe nevoja e ribërjes së skuadrës, janë arsye të forta që edhe vetë Messi të kërkojë “ndryshim ajri”.
Përveç kësaj, dihet një lidhje e fortë e trajnerit Guardiola që sot drejton Mancester City, me argjentinasin.
Nëse diçka e tillë realizohet, thyhet rekordi 222 milionësh i shitjes së Neymar, bëhet “fërtele” një skuadër që ka bërë ligjin këto 10 vjet në Europë, si edhe projektohet një tjetër gjigand si Citiziens, që kanë të gjithë të drejtën të pretendojnë të fitojnë gjithçka, në Angli apo Europë qoftë. /tesheshi.com/
