Spekullimet dhe mashtrimet mediatike të Benyamin Netanyah-ut arritën një tjetër përmasë amorale teksa akuzoi mijrë protestues në të gjithë botën, ata që po dalin në rrugë kundër krimeve izraelite në Gaza, si mbështetës së Hamasit.
Duke futur në lojë kartën e së djeshmes naziste, aty ku më së shumti abuzon shteti hebre, duke i dhënë të drejtë e legjitimitet vetes nën një Perëndim të frustruar që vrasë një popull siç është vrarë ai dje gjatë Luftës së Dytë Botërore, ai i konsideroi protestuesit si pro Hamasit, të cilin e krahasoi me nazizmin.
Netanyahu komentoi protestat që po zhvillohen në mbarë botën në mbështetje të Palestinës dhe popullit palestinez.
“Ata që protestojnë aktualisht po mbështesin Hamasin. Këta njerëz protestojnë për të keqen”, tha kryeministri izraelit.
“Kundër kujt po protestoni? Kundër nazistëve? Apo kundër aleatëve”, shtoi ai në një mesazh të tij i ftuar në emisionin Meet the Press të NBC.
“Nuk duhet të lejojmë terror mbi popullin izraelit”, shtoi kreu i një shteti terrorist, i cili si pushtues ka shkaktuar një tragjedi prej dekadash me një popull të pushtuar, e cila po arrin kulmin këto javë me një genocid në Gaza. /tesheshi.com/
