Ka qenë një reagim jo proporcional dhe jashtë logjike ai i opinionit publik serb në shumicë dhe i përfaqësuesve kryesorë të vendit në lidhje me dënimin me 40 vite burg për gjeniocid të ish-kreut të serbëve të Bosnjës Radovan Karaxhiç.
Biliana Plavsiç, krahu i djathtë në politikën e serbëve të Bosnjës dhe pasuesja e Radovan Karaxhiçit në postin e presidentes së Republika Srpska deklaroi një ditë pas dënimit të ish-shefit të saj, se masakrën e Srebrenicës e realizoi Presidenti i Shteteve të Bashkuara të Amerikës Bill Klinton.
Ndërkohë pjesa më e madhe e mediave serbe janë lëshuar në kor për të mbrojtur njeriun që realizoi gjenocidin shfarosës së myslimanëve të Bosnjës, një nga partnerët e saj, shpërthen në fantazi dhe sulm ndaj Shteteve të Bashkuara të Amerikës.
Plavsiç, i cili u dënua nga Gjykata e Hagës me 11 vjet burg për krime lufte, tha se është e padiskutueshme që ishte SHBA ajo që bëri masakrën e Srebrenicës.
Karla del Ponte, ish-Kryeprokurore e Hagës deklaroi se shpresonte se vendimi i dhënë për Karaxhiçin të jetë një mësim i mirë për njerëz si ai, ndërsa shtoi se duhej dhënë vendimi me burgim të përjetshëm.
Ndërkaq, ministri i jashtëm Ivica Daçiç deklaroi se Serbia nuk pret leksione nga askush për respektimin e të drejtave të njeriut.
Kryeministri i Serbisë, Aleksandër Vuçiç tha se shteti i tij “nuk do të lejojë, nuk mund ta lejojë dhe nuk duhet ta lejojë dikën që të përdorë verdiktin ndaj ish-presidentit të Republikës Srpska, Karaxhiç për ta sulmuar Republikën e Serbisë”./tesheshi.com/
