Media dhe opinioni në përgjithësi, është “çmallur” me portretin dhe zërin e Saimir Tahirin, pas kaq kohësh daljeje në publik, teksa u shfaq këtë të premte në Gjykatën e Krimeve të Rënda në një seancë për t’iu bërë me dije bllokimi i lëvizjes jashtë shtetit.
Pa ankthin e burgut, ai u tregua i qetë dhe i buzëqeshur para kamerave duke thënë se “do flasë shumë shpejt”, si dhe garantuar që ai, më shumë se çdokush, ka interes të dalë e vërteta
“Nuk ka rrezik ikje, rreziku mund të ishte në fillim. Unë jam i interesuar të dalë e vërteta. Nuk kam udhëtuar me asnjë makinë të një krimineli dhe nuk kam kryer asnjë vepër penale” është shprehur shkurt ish-ministri Tahiri.
Kishte më shumë se një muaj që ai nuk shfaqej në publik, që pas daljes së rastit Sota, kun ë automjetin e 25-vjeçarit që udhëtonte me status “të pushtetshmi” pa patentë, u gjendën mbi 800 mijë euro cash, si dhe tre patenta, dy të Saimir Tahirit për drejtim skafi, e një e zakonshme e bashkëshortes së tij. /tesheshi.com/
