Tërheqja ruse nga qyteti i Iziumit shënon disfatën më të rëndë për forcat e Putinit që kur u larguan nga periferitë e Kievit në mars.
Ukrainasit po luteshin për t’u çliruar nga zgjedha ruse, pranuan ata për gazetarët e CNN që arritën në një qytet të rimarrë nga Ukraina pas gjashtë muajsh pushtim rus.
Në anë të rrugëve ishin kamionë me simbolin rus të luftës “Z”, një urë e shembur e mbuluar me shenja paralajmëruese për minat dhe një pikë karburanti e dëmtuar, ajo pra çfarë ka mbetur nga bombardimet ruse.
#Ukraine: Another Russian BMP-2 IFV was captured in #Kharkiv Oblast today. pic.twitter.com/dC9xEkRt41
— 🇺🇦 Ukraine Weapons Tracker (@UAWeapons) September 13, 2022
CNN, siç thekson, ishte ekipi i parë televiziv ndërkombëtar që hyri në qytetin e Izium që nga rimarrja e tij nga Ukraina.
“Izium tani është “çliruar”, së bashku me pothuajse të gjithë rajonin e Kharkivit,” tha një burim ushtarak ukrainas për CNN sot, duke folur në kushte anonimiteti.
“Rimarrja e qytetit nga ukrainasit është një humbje e madhe strategjike për ushtrinë ruse, e cila e ka përdorur atë si një bazë kyçe dhe rrugë furnizimi për forcat e saj në Ukrainën lindore”, shton ai.
Në lidhje me një ofensivë paralele në jug, Ukraina ka rimarrë gjithsej 8,000 kilometra katrorë, tha sot presidenti ukrainas Volodymyr Zelensky nga Izium gjatë vizitës së tij sot në qytet.
Për të pasur një siguri absolute, ukrainasit kërkojnë të arrestojnë disa ushtarë rusë që janë ende të fshehur dhe këdo që ka bashkëpunuar me ta gjatë pushtimit. Qyteti mbetet gjithashtu pa energji elektrike dhe telefon.
Nga ajo që pa ekipi i CNN, vendasit janë më të lehtësuar kur e shohin qytetin e tyre përsëri në duart e bashkatdhetarëve të tyre.
Edhe pse rrugët e Izumit ishin kryesisht të qeta, frika e kthimit të ushtarëve rusë ende qëndron mbi qytet.
Shumica e banorëve që iu afruan ekipi i CNN ishin shumë të frikësuar për të folur lirshëm për atë që kishin përjetuar muajt e fundit.
Një çift rreth të 50-tave ranë dakord të flisnin, dukë thënë se rimarrja e Iziumit ishte “balsam për shpirtin”.
“Ne iu lutëm Zotit që të çlirohemi pa luftë dhe gjakderdhje. Dhe kështu ndodhi”, tha ai.
Një grup ushtarësh ukrainas thanë se beteja për të rimarrë qytetin nuk ishte e ashpër.
Ukrainasit kanë marrë armë nga këto luftime në verilindje, pasi shumë ushtarë rusë sakrifikuan automjetet e tyre – të cilat janë të paprekura – në këmbim të shpëtimit të jetës.
Së bashku me humbjen e armëve dhe tërheqjen poshtëruese të kapur në video të shumta dhe të shpërndara në mediat sociale, një zyrtar ushtarak i tha CNN se një numër i madh ushtarësh rusë po mbahen si robër lufte në qendrat e paraburgimit në Ukrainë.
Një tjetër Banori i Iziumit pohoi se vendasit në qytet ishin të zemëruar me sjelljen e rusëve.
“Aty ku nuk kishte njerëz, rusët vodhën gjithçka,” tha Valeriy. “Ata jetuan si derra. Hymë në një shtëpi…derrat jetojnë më mirë”, shtoi ai. /tesheshi.com/
