Sot, një pjesë e popullsisë në Shqipëri, ata të cilët janë të lidhur me të majtën, kremtojnë Ditën e Çlirimit. Për ta, 29 Nëntori mbetet data dhe dita e Çlirimit, siç u vendos dhe gjatë regjimit komunist.
28 apo 29, ka qenë pjesë e narravitës politike e mediatike ç’prej kur PD, pas ardhjes në pushtet në vitin ’92 vendosi që ta hiqte 29-ën si datë Çlirimi, me pretendimin se ajo ishte vënë nga Hoxha për t’u njesuar me datën dhe ditën kur u çlirua Jugosllavia, 29 Nëntor 1945. Sipas PD-së, Shqipëria ishte çliruar me 28 Nëntor ’44.
Ka qenë viti 1994, 50-vjetori i Çlirimit, kur qeverosja demokrate vendosi ta betonojë qëndrimin e saj duke organizuar një paradë ushtarake të ngjashme si ato të kohës së komunizmit.
Vitet që pasuan, debati u konturua në atë se në ç’ditë iku “gjermani i fundit” nga Shkodra. Ky debat vijon dhe tani, pa u vulosur dot as nga elitat e historibërjs, pasi dhe ajo është e ndarë në këtë pikë, edhe për shkak të pozicionimit politik. /tsheshi.com/
