Ambasada Amerikane dhe zyra e delgeacionit të BE-së në Tiranë kanë përshëndetur me shpejtësi marrëveshjen e arritur mes Edi Ramës dhe Lulzim Bashës, akoma pa dalë para publikut për t’a bërë zyrtare këtë marrëveshje.
Në mesazhin e urimit për marrëveshjen politike ambasadori amerikan Donald Lu, i cili ka qenë ndërmjetësi i orëve të fundit të kësaj marrëveshje shkruan një “Bravo” të madhe për të gjithë ata që kontribuan për rikthimin e dialogut, deri në konsensus.
“Bravo popullit shqiptar për durimin dhe besimin në forcën e demokracisë shqiptare. Bravo Edi Ramës dhe Lulzim Bashës për lidershipi dhe kurajon në arritjen e marrëveshjes. Bravo kolegëve të Bashkimit Europian, në OSBE-së dhe në Ëashington për mbështetjen e palëkundur për Shqipërinë. Presim me padurim zgjedhjet ku të marrin pjesë të gjitha partitë politike” shkruan Donald Lu në mesazhin e shpërndarë në rrjetet sociale.
Edhe zyra e BE-së, që drejtohet nga ambasadorja Romana Vlahutin ka përshëndetur marrëveshjen. BE vlerëson arritjen e marrëveshjes në interes të qytetarëve shqiptarë.
“Urime për marrëveshjen për zgjedhje të lira. Marrëveshja në interes të qytetarëve shqiptarë” uron BE./tesheshi.com
