“Më vjen keq.” Me këto fjalë të thjeshta e nisi fjalimin e saj të fundit Hillary Clinton, për të cilën një pjesë e madhe e njerëzve menduan se këtë të mërkurë do të zgjohej dhe zgjidhej presidentja e parë femër e Shteteve të Bashkuara të Amerikës. Këto ishin fjalët në fjalimin përmbyllës ku Donald Trump doli i fituar nga këto zgjedhje dhe ajo i dha fund ëndrrës së saj për kreun e Shtëpisë së Bardhë dhe karrierës politike njëkohësisht.
Kandidatja demokrate vlerësoi garën presidenciale dhe u shpreh se Kushtetuta kërkon një kalim të paqtë të pushtetit.
“Natën që lamë pas unë urova Donald Trumpin dhe i ofrova mbështetjen time për të punuar bashkë me të në të mirë të vendit tonë. Mendoj se ai do të jetë një president i suksesshëm i të gjithë amerikanëve”, – tha Clinton.
“Donald Trump do të jetë presidenti ynë. Duhet të jemi mendje hapur dhe t’i lëmë mundësinë të na udhëheqë”, – e cila pranoi me dinjitet humbjen e saj.
“Ky nuk është aspak rezultati që ne prisnim dhe që kishim punuar aq shumë, ndaj më vjen keq që nuk fituam në këto zgjedhje”, – ju tha Clinton mbështetësve dhe gjithë atyre që kishin punuar në këtë fushatë.
Ajo gjithashtu i kujtoi Trumpit vlerat njerëzore të amerikanëve, ndaj të cilave shumë demokratë nisën të trembeshin pas deklaratës së Trump dhe propozimit të tij për të ndjekur nga Shtetet e Bashkuara të gjithë myslimanët si dhe sulmet e shpeshta ndaj gazetareve femra.
“Kushtetuta jonë demokratike kërkon transferimin paqësor të pushtetit dhe ne kemi në plan ta zbatojmë. Gjithashtu kërkohet zbatimi i dy gjërave: sundimin e ligjit, parimin e barazisë, të së drejtave dhe dinjitetit, lirisë dhe mundësisë së shprehjes. Ne i respektojmë këto vlera dhe do t’i mbrojmë ato”, – ishin fjalët e Clinton./tesheshi.com/
