Ish-Presidenti i SHBA-ve, Bill Clinton, njëkohësisht arkitekti i çlirimit të Kosovës, qysh dje ka nisur vizitën në vend, për të kulmuar sot me ceremoninë e shënimit të 2- vjetorit të çlirimit.
Ai iu ka drejtuar qytetarëve dhe politikanëve kosovarë që të kenë guxim dhe vullnet për të punuar më shumë për të ardhmen e vendit e sidomos për të siguruar stabilitet për gjeneratat e ardhshme.
Clinton ka thënë se te kosovarët, 20 vjet më parë kishte parë gatishmërinë për të lënë armët në tokë dhe të për menduar për të ardhmen duke përqafuar paqen.
“NATO e fitoi luftën, ju paqen”, është shprehur ai.
“Sot jeni të lumtur. Lus Zotin që të iu inspirojë që të mendoni për paqen dhe të përjetoni begatitë e asaj që i meritoni!”, u shpreh ish-presidenti.
Kosova gëzon mbështetjen e SHBA-ve për shumicën e proceseve nëpër të cilat ka kaluar, shpeshherë duke shfaqur më shumë interesim sesa vendet e BE-së që e rrethojnë.
Por në anën tjetër, kosovarët njihen si populli më pro-amerikan në botë, sipas hulumtimeve të Gallup. Mbi 75 përqind e popullsisë ia adresojnë meritat e shtetësisë vet Amerikës. /tesheshi.com/
