Portretet zyrtare të dy ish-presidentëve, Bill Clinton dhe George W. Bush, në dhjetë ditët e kaluara janë hequr nga holli i madh i Shtëpisë së Bardhë dhe janë zëvendësuar me portrete të dy ish-presidentëve republikanë që mbanin detyrën më shumë se një shekull më parë, raporton CNN.
Eshtë një traditë e Shtëpisë së Bardhë të vendosë portrete të presidentëve të fundit në vendet më të spikatura në hyrje të selisë së presidentit amerikan, ku ata mirëpresin mysafirët.
Kur Donald Trump mirëpriti homologun meksikan Andres Manuel Lopez Obrador në 8 korrik, portretet ishin akoma në holl. Por pas kësaj, ato u transferuan në një dhomë të vjetër ngrënieje.
Kohë më parë, portretet ishin të dukshme çdo ditë pasi Trump zbriste shkallët nga një rezidencë private ose kur ai priste ngjarje zyrtare në Shtëpinë e Bardhë.
Tani ato janë në një dhomë që shërben si depo për mbulesa tavoline dhe mobilje të papërdorura.
Në vend të Bushit është vënë portreti i Presidentit të 25-të William McKinley, i vrarë në vitin 190, ndërsa Clinton është zëvendësuar nga Theodore Roosvelt. /tesheshi.com/
