Basketbollistët e Cleveland-it janë treguar të papërmbajtshëm në fushën e tyre, duke fituar me 30 pikë diferencë ndaj Golden State Warriors-it, e duke e ngushtuar kështu rezultatin e tërësishëm.
2-1 kryeson ende Golden State Warriors, por tani peshorja është në anën e Cleveland-it, që do të ketë një tjetër ndeshje në shtëpinë e vet.
120-90 ka përfunduar takimi në orët e para të ditës së sotme. Kanë shkëlqyer për vendasit LeBron James dhe Kyrie Irving, që kanë shënuar përkatësisht 32 dhe 30 pikë.
“Kur ne luajmë në këtë mënyrë, është e vështirë të mundemi,” deklaroi pas ndeshjes trajneri i vendasve, Tyronn Lue.
Asgjë nuk ka mundur të bëjë Stephen Curry për udhëtuesit, duke realizuar vetëm 19 pikë. Harrison Barnes ka shënuar 18 pikë, e Klay Thompson 10 pikë.
Në dy takimet e para, Golden State Warriors ka fituar 104-89 dhe 110-77, duke patur ende 18 pikë më shumë se kundërshtari në tërësinë e ndeshjeve.
Përballja e katërt është të premten në Kleveland. /tesheshi.com/
