Historike është fitorja e Cleveland Cavaliers, jo vetëm sepse ekipi e fitoi për herë të parë titullin e NBA-it, por sepse për herë të parë në historinë e basketbollit amerikan ka arritur të kthejë përmbys një humbje 1-3 në serinë e finaleve.
Asnjë skuadër nuk ia kishte dalë më herët të fitonte pasi të gjendej në humbje 1-3 në finalet e NBA-it. E bëri këtë Cleveland, që fitoi në tre takimet e fundit ndaj Golden State Warriors.
Dy ekipet qenë ndeshur dhe në finalen e vitit të shkuar, të fituar nga Golden State Warriors, kampionët në fuqi gjer në orët e para të së hënës.
Në ndeshjen e fundit, Cleveland Cavaliers fituan 93-89, edhe pse luanin në fushë kundërshtare. LeBron James qe përcaktues për fituesit, duke shënuar 27 pikë, e duke shpallur MVP-ja e finaleve, apo, ndryshe, lojtari më i vlefshëm i tyre.
Golden State Warriors zhvilluan një sezon fantastik, dhe shiheshin si ekipi favorit për ta fituar NBA-in, por ata pësuan tre humbje të njëpasnjëshme, diçka që nuk u ngjiste prej nëntorit të vitit 2013. /tesheshi.com/
