Gjithçka duket të jetë e mbyllur tani, pasi Barcelona ka pranuar ta lërë të largohet Claudio Bravo-n për një shumë prej 16 milionë eurosh.
Kështu bëjnë të ditur mediat sportive spanjolle, që theksojnë faktin se klubi katalanas e ka pranuar më në fund largimin e kilianit 33-vjeçar.
Këmbëngulja e Mançester Sitit ka triumfuar pas luhatjes së Barcelonës për ta shitur Bravo-n pas dëmtimit të portierit tjetër, gjermanit Ter Stegen.
Me këtë lëvizje, Joe Hart, portieri i përfaqësueses angleze e i Mançester Sitit, bëhet i tepërt te skuadra e tij, dhe të gjitha zërat flasin për një huazim të tij te Evertoni. Ai do të lihej në stol në javën e parë të Premier League-s, teksa Guardiola parapëlqeu të vinte në portë argjentinasin Caballero.
Claudio Bravo u transferua dy vite më parë te Barcelona. Në qëndrimin te katalanasit, aktivizimi i tij nuk ka qenë i vazhdueshëm, me detyrën e gardianit të portës të bërë dhe nga Ter Stegen. Bravo është gjithashtu portieri i kombëtares kiliane, me të cilën ka luajtur në 106 takime që nga viti 2004. /tesheshi.com/
