Ruben Avxhiu ka ofruar historinë e një kosovari që nga SHBA iu bashkua ISIS-it, duke udhëtuar drejt Sirisë dhe më fëmijët 2 e 4 vjeç.
Del në pah në këtë rast, arsyeja se pse shumë persona rendën atje duke marrë dhe fëmijët me vete.
“Intervistuesve që e kanë pyetur, u tha se jeta në Perëndim është plot mëkate dhe se donte të jetonte në mënyrë të virtytshme në një vend me moral islamik.
Po mirë i thanë, po pse nuk shkove fjala vjen në Arabinë Saudite?
Lirim Sulejmani u tha se kishte vështirësi burokratike, në Siri shkoje më kollaj vetëm sa kaloje kufirin. Ai thotë se u ka dhënë 500 dollarë ushtarëve turq në kufi dhe ata e kanë lënë të kalojë. Ai thotë se nuk ka parë videot me prerje koke. Nuk ka shkuar aty për dhunë.
Ka shkuar të punojë në ndërtim se në SHBA, në Chicago ka mbaruar studimet për inxhinieri ndërtimi. Që aty është vendosur dhe ka jetuar edhe në Kanada, ku edhe u bë besimtar i devotshëm.
Në Chicago ka jetur edhe gruan me të cilën është martuar. Për të ka thënë se mund të jetë me origjinë polake. Fëmijët quhen Aisha dhe Muhamad.
Ai thotë se është gënjyer nga videot e propagandës së ISIS-it ku dilnin myslimanë që thonin se sa e lumtur ishte jeta në Shteti Islamik”, thuhet në shkrimin e Avxhiut.
Lirim Sulejmani është përbetuar se nuk ka shkrehur armë e se nuk ka shkuar atje për luftë.
Eshtë ky një prej rasteve që tregon se një masë e madhe e atyre që shkuan në Siri, janë viktima të një naiviteti që nuk e ka përballuar dot propogandën për një “parajsë mbi tokë” diku në tokat e Shamit(Siri-Irak). /tesheshi.com/
