Polonia do të paraqesë zyrtarisht një kërkesë që Gjermania t’i paguajë asaj dëmshpërblim për viktimat, dëmtimet pronësore dhe krimet e autoriteteve pushtuese gjatë Luftës së Dytë Botërore, në shumën 1.32 miliardë dollarë.
Kancelari gjerman Olaf Scholz hodhi poshtë kërkesat e Polonisë për kompensim për dëmin që Gjermania i bëri vendit gjatë Luftës së Dytë Botërore.
“Si të gjitha qeveritë para meje, mund t’ju kujtoj se çështja e reparacioneve të luftës është zgjidhur përfundimisht ndërkombëtarisht”, tha politikani socialdemokrat në një intervistë për Frankfurter Allgemeine Zeitung.
Udhëheqësi i konservatorëve në pushtet në Poloni, Jaroslaw Kaczynski, tha së fundmi se Polonia do të kërkojë zyrtarisht që Gjermania t’i paguajë asaj dëmshpërblim për viktimat, dëmet pronësore dhe krimet e autoriteteve pushtuese gjatë Luftës së Dytë Botërore, në shumën 1.32 miliardë dollarë.
Kërkesa për dëmshpërblim
“U mor vendimi për të kërkuar zyrtarisht dëmshpërblime nga Gjermania, për të marrë dëmshpërblim për gjithçka që Gjermania apo populli gjerman i bëri Polonisë nga viti 1939 deri në 1945. Në marrëdhëniet ndërkombëtare gjërat janë të tilla që, nëse një vend i shkakton dëme të mëdha një tjetri, më vonë pas një disfate ushtarake, duhet llogaritur. Nuk ka asnjë arsye që Polonia të përjashtohet nga ky parim”, tha Kaczynski.
Ai paralajmëroi se nuk do të ishte e lehtë të marrësh dëmshpërblime nga Gjermania dhe se mund të zgjasë shumë, por shprehu shpresën se do të interesohen edhe vende të tjera, veçanërisht Izraeli, pasi Polonia kërkon gjithashtu dëmshpërblim për vdekjen e 5.2 milionë banorëve të saj, ndër të cilët shumica ishin hebrenj.
Por Gjermania deklaron se çështja e dëmshpërblimeve të luftës ndaj Polonisë është mbyllur ligjërisht sepse vetë Polonia e mbylli çështjen dy herë, me marrëveshjen dypalëshe për njohjen e kufijve të kohës së luftës në Oder dhe Nisa nga viti 1970, dhe gjatë negociatave për bashkimin e të dy Gjermanive në vitin 1990, kur Varshava nuk e pyeti çështjen e reparacioneve edhe pse ishte tashmë e pavarur nga Moska. /tesheshi.com/
