Konfliktet mes Rusisë dhe Ukrainës nisën tre ditë më parë dhe aktori Sean Penn e shfrytëzoi këtë mundësi për t’u nisur drejt Kievit, ku do të realizojë një dokumentar për aktualitetin.
Siç thotë ai, në këtë realizim do të gjenden përgjigje për të gjitha pyetjet që kanë të bëjnë me këtë agresion.
Ndërkohë që forcat ruse dhe ukrainase janë në përplasje, Penn po viziton presidentin e Ukrainës Volodymyr Zelensky, i cili është i kënaqur që aktori ka vendosur të jetë dëshmitar i ngjarjeve aktuale.
“Ai është një nga të paktët që mbështet Ukrainën dhe aktualisht ndodhet në vendin tonë. Guximi i tij është ajo që shumë, madje edhe politikanët perëndimorë, nuk e kanë,” tha Presidenti Zelensky për Penn pas takimit në Kiev.
Sean dëshiron të bëjë një dokumentar për ngjarjet aktuale dhe të tregojë, siç thotë ai, të vërtetën e vërtetë të konfliktit.
Ai ka realizuar tashmë dokumentarë të diskutueshëm, si një intervistë me El Chapo, ndërsa ishte në arrati.
Ai gjithashtu ka punuar në një film në Turqi në vitin 2018 për vrasjen e gazetarit Jamal Khashoggy.
Penn tashmë ka vizituar politikanë dhe gazetarë dhe tani është radha e fushëbetejës, ku është fotografuar duke ecur me ekipin e tij. /tesheshi.com/
