Një nga aktoret më të njohura japoneze Yuko Takeuchi ka vdekur në moshën 41 vjeç në shtëpinë e saj në Tokio.
Trupi i saj i pajetë u gjet të hënën në mëngjes nga burri i saj, aktori Nakabayashi Taiki.
Policia ka nisur një hetim për të përcaktuar rrethanat e vdekjes. Rrethanat e vdekjes nuk dihen, por dyshohet për vetëvrasje, shkruan BBC, duke iu referuar medias japoneze
“Vdekja e saj e papritur na tronditi të gjithëve, ne u prekëm shumë nga ky lajm i trishtuar”, tha agjencia e saj Stardust Promotion.
Takeuchi fitoi Çmimin e Akademisë Japoneze për aktoren më të mirë për tre vjet rresht, dhe ishte shumë e famshme në vendin e saj të lindjes.
Ajo u shfaq në dhjetëra filma dhe seriale televizive dhe u bë e famshme për filmin horror japonez të kultit Rignu, i cili në 2002 pati versionin e tij amerikan si Krug.
Ajo gjithashtu interpretoi në serialin “Miss Sherlock 2018” dhe u shfaq si një version femër i Sherlock Holmes-it, dhe vetëm dy muaj më parë ajo gjithashtu u shfaq në filmin “The Confidenceman JP: Princess”.
Yuko la pas dy fëmijë të vegjël.
Edhe pse vetëvrasja nuk është konfirmuar në rastin e kësaj aktoreje, ajo kohët e fundit ka shkaktuar vdekjen e një numri talentesh japoneze, përfshirë aktoren Sei Ashina në fillim të këtij muaji, aktorin Harum Miura në korrik dhe yllin e mundjes Hanu Kimura në maj. /tesheshi.com/
