“Çfarë ka në kurrizin e Luka Modriç-it?”, kanë pyetur me gjasë të painformuarit sa duhet kur maestroja kroate hoqi fanellën pas bilbilit të fundit të arbitrit në finale me Liverpool-in.
Jo, nuk është një sëmundje e lëkurës apo ndonjë gjë tjetër. Për më tepër, përmirëson shëndetin. Konkretisht, bëhet fjalë për terapinë me hixhame (kupa). Hixhame është emri i kupave në mjekësinë tradicionale arabe, një metodë e nxjerrjes së gjakut të papastër nga organizmi, i cili mudësohet nga prerje të holla me brisk të lëkurës, për t’u thithur më pas me kupa.
Me fjalë të tjera, përmes kësaj procedure jokirurgjikale, gjaku toksik ose “i keq” nxirret nga trupi nëpërmjet hixhameve në trup. Kjo arrihet duke bërë prerje shumë të imta në sipërfaqen e lëkurës, gjë që lejon një sasi të vogël gjaku të kalojë nëpër lëkurë. Më pas në këto vende vendosen kupat dhe lihen deri në 20 minuta, në varësi të qëllimit dhe natyrës së trajtimit.
Pasi gjaku toksik largohet nga trupi, rrjedha e gjakut dhe energjisë përmirësohet duke rezultuar në shërim. Metoda përdoret për shërim më të shpejtë, lehtësim dhimbjeje dhe relaksim të muskujve.
Kjo formë e mjekësisë alternative nga yjet e sportit u përdor për herë të parë publikisht nga notari legjendar amerikan Michael Phelps.
Në bashkësitë muslimane, kjo formë terapeutike përdoret gjerësisht.
Mjeshtër i tyre në Shqipëri është Nikolin Gjini, një ish-katolik i konvertuar në musliman. /tesheshi.com/
