Manchester City ka treguar fuqinë që poseidon këtë sezon, duke mposhtur Liverpool-in me rezultatin të thellë 5-0.
Ndeshja nisi mirë për vendasit, të cilët tentuan shënimin e golit që në minutat e para të ndeshjes.
Por për herë të parë rrjeta u tund në minutën e 25-të, kur Sergio Aguero u shërbye mirë nga Kevin De Bruyne dhe pasi kaloi edhe portierin shënoi për 1-0.
Liverpool mbeti me një futbollist më pak në fushë në minutën e 37, kur Sadio Mane bëri një ndërhyrje të tmerrshme ndaj portierit vendas dhe u ndëshkua me karton të kuq.
Ederson u largua nga loja i lënduar dhe u zëvendësua nga Claudio Bravo.
Në minutën e fundit të pjesës së parë, Gabriel Jesus shënoi një gol të bukur me kokë për 2-0.
Me të filluar pjesa e dytë, përsëri City arriti të shënoj gol.
Ishte përsëri super talenti brazilian, Gabriel Jesus, që shënoi por kësaj radhe i asistuar nga Sergio Aguero.
Zëvendësuesi Leroy Sane gjithashtu u përfshi në listën e golashënuesve pasi realizoi në minutën e 77, kur u shërbye nga, Benjamin Mendy.
Gjermani i talentuar, Sane nuk u ndal me vetëm një gol në këtë sfidë, pasi realizoi edhe një tjetër në minutën e 91 për rezultatin përfundimtar 5-0.
Pas kësaj fitore, City merr përkohësisht vendin e parë në tabelë me 10 pikë në 4 javë. Ndërkohë për Liverpool-in kjo ishte humbja e parë këtë edicion pas dy fitoreve dhe një barazimi. /tesheshi.com/
