Vazhdon eksodi i mundshëm nga skuadra e Pep Guardiolës. Pasi u përmendën më parë largimet e Gundogan dhe Bernardo Silvas, Aymeric Laporte është i radhës për të kërkuar një klub të ri.
Rregulli i Manchester City-t të tij ka qenë gjithmonë të ketë dy lojtarë të shkëlqyer në çdo pozicion, por duket se me kalimin e viteve gjithnjë e më shumë prej tyre po kërkojnë një rrugëdalje në kërkim të kohës së vazhdueshme të lojës.
Në sistemin e ri të Guardiolës, ka vend për deri në katër lojtarë që me profil janë topues. Nathan Ake që mbulon mbrojtësin e majtë, John Stones i bashkohet mesfushës dhe Dias dhe Akanji që mbajnë pozicionet e mesit. Një sistem i tillë nuk i lë shumë hapësirë përfaqësuesit spanjoll, i cili në radhë të parë u largua nga skuadra për shkak të lëndimeve të shpeshta që ia prishën formën.
Laporte aktualisht është i pakënaqur me kohën e lojës dhe dihet se Guardiola nuk i toleron lojtarët e pakënaqur, ndaj strategu spanjoll nuk do t’i krijojë probleme kur të hapet afati kalimtar veror. Laporte ka munguar gjithsej 12 ndeshje këtë sezon për shkak të lëndimeve.
Barcelona përmendet sërish si destinacion potencial. Përveç Laportes, tashmë dihet interesimi i katalanasve për Gundogan dhe Bernardo Silva. /tesheshi.com/
