Kryeministri grek, Aleksis Cipras konfirmoi se e ka autorizuar ish-ministrin e tij të Financave për të përgatitur planin rezervë në rast se vendi detyrohej të dilte nga eurozona, duke e quajtur atë një detyrim për një qeveri të përgjegjshme.
“Ne nuk dizenjuam plane për ta larguar vendi nga eurozona, por përgatitëm plan emergjence”, tha Cipras përpara Parlamentit. “Nëse partnerët tanë dhe kreditorët kishin përgatitur një plan Grexit, nuk duhej edhe ne si qeveri të përgatisnim mbrojtjen tonë?”, tha Cipras.
Ish-ministri i Financave, Janis Varoufakis provokoi gjatë javës tronditje në Greqi duke deklaruar se kishte bërë përgatitje sekrete për të hakeruar kodet e taksave që të krijonte një sistem paralel pagesash në rast se Greqia detyrohej të largohej nga eurozona. /tesheshi.com/
