Bill Gates, një nga njerëzit më të pasur në botë, është pozitiv me koronavirus.
Është e paqartë nëse kjo është hera e parë që Gates, i cili ka dhuruar miliona për të luftuar pandeminë, ka rezultuar pozitiv me COVID-19.
Gates, 66 vjeç, tha në Twitter se ai ishte izoluar me simptoma të lehta dhe kishte marrë një dozë përforcuese të vaksinës. Ai tha gjithashtu se do të merrte pjesë virtualisht në një takim me njerëz nga fondacioni i tij.
Muajt e fundit, Gates, bashkëthemelues i Microsoft dhe multimiliarder, i ka fokusuar burimet e tij të rëndësishme në pandemi. Javën e kaluar, ai botoi një libër me titull “Si të parandalojmë pandeminë e ardhshme”, duke shpjeguar se si vendet mund të bëjnë përpjekje të koordinuara për të parandaluar pandemitë dhe “eliminimin e të gjitha sëmundjeve të frymëmarrjes”.
Ai foli hapur se si autoritetet globale shëndetësore duhet t’i përgjigjen pandemisë dhe të shpërndajnë vaksinat. Fondacioni Bill & Melinda Gates tha se ka dhuruar miliona për organizatat, duke përfshirë Gavi dhe Organizatën Botërore të Shëndetësisë, për të financuar testimin, trajtimin dhe shpërndarjen e vaksinave.
Në janar, Gates tha në Tëitter se koronavirusi, “kur omicron kalon nëpër vend, mund të trajtohet më shumë si një grip sezonal”.
Njëherësh, Gates është dhe njeriu çipëvënës sipas një teorie konspiracioni, me vaksina, në atë që COVID konsiderohet sajesë. /tesheshi.com/
