Arsenalet bërthamore anembanë botës pritet të rriten në vitet e ardhshme, për herë të parë që nga Lufta e Ftohtë dhe rreziku i përdorimit të armëve të tilla është më i larti në dekadat e fundit, njoftoi Instituti Ndërkombëtar i Kërkimeve të Paqes në Stokholm (SIPRI).
“Invazioni rus ndaj Ukrainës dhe mbështetja perëndimore për Kievin kanë rritur tensionet midis nëntë fuqive bërthamore”, raportoi SIPRI, sipas Reuters.
Megjithëse numri i armëve bërthamore ra paksa midis janarit 2021 dhe janarit 2022, SIPRI deklaron se, nëse nuk ka veprime të menjëhershme nga forcat bërthamore, kokat e luftës mund të përmirësohen së shpejti.
“Të gjitha fuqitë bërthamore po forcohen, po përmirësojnë arsenalin e tyre dhe shumica po mprehin retorikën e tyre bërthamore dhe rolin që luajnë armët bërthamore në strategjitë e tyre ushtarake. Ky është një trend shumë shqetësues”, tha drejtori i SIPRI-t, Wilfred Wan.
Instituti Suedez deklaron se numri i kokave bërthamore ra në 12,705 në janar 2022, krahasuar me 13,080 në janar 2021.
Rreth 3732 koka bërthamore janë gati për përdorim në raketa dhe avionë dhe rreth 2000, pothuajse të gjitha i përkasin Rusisë ose Shteteve të Bashkuara, janë në gatishmëri të lartë. /tesheshi.com/
