Jahtet superluksoze shpesh cilësohen si “aksesorët” e dashur nga super të pasurit. Është fakt që sot në tregun ndërkombëtar ka jahte për të gjitha shijet, me pishina, xhakuzi, palestra, garazhe, helipadat e çdo gjë tjetër që mendja e njeriut mund ta imagjinojë.
Pa asnjë dyshim, çdo jaht është një vepër e çmuar dhe e rrallë arti. Çmimet e tyre të larta justifikohen nga cilësia superiore e materialeve të përdorura në ndërtimin e tyre.
Sipas therichest, këto janë jahtet më të shtrenjta në botë:
- Pelorus – 300 milionë dollarë
Është ndërtuar në vitin 2003 dhe konsiderohet si një nga jahtet më të mëdhenj në botë. Pronari aktual i saj, manjati i pasurive të paluajtshme në Hong Kong, Samuel Tak Lee, thuhet se ka paguar të paktën 1 miliard dollarë për ta blerë atë nga një anëtar i familjes mbretërore të Emirateve të Bashkuara Arabe. Jahti 115 metra i gjatë u emërua Pelorious, nga fjala greke Pelorios.
- Al Said – 300 milionë dollarë
Al Said është në pronësi të Sulltanit të Omanit dhe është i shtati më i gjatë në botë me një gjatësi prej 159 metrash. Super Yacht Times raporton se Al Said mund të mbajë deri në 70 të ftuar dhe më shumë se 150 anëtarë të ekuipazhit.
- Radiant – 320 milionë dollarë
Është ndërtuar në vitin 2009. Sot është në pronësi të Abdullah Al Futem, një multimilioner në Emiratet e Bashkuara Arabe. Radiant është jahti i 32-të më i madh luksoz në botë. Ai ka hapësirë të mjaftueshme për të akomoduar 20 të ftuar dhe 44 anëtarë të ekuipazhit. Ka palestër, sauna, hamami, sauna, dhomë masazhi, garazh, kinema dhe xhakuzi në kuvertë. Është raportuar se anija është e armatosur me një top të fuqishëm uji që mund të zmbrapsë sulmet.
- A ose Motor Yacht A – 323 milionë dollarë
Ka gjashtë dhoma gjumi për mysafirët.
- Serene – 330 milionë dollarë
Espen Oeino, një projektues i jahteve me famë botërore, ishte përgjegjës për inxhinierinë dhe projektimin e pamjes mahnitëse të këtij jahti. Anija moderne u ndërtua në Itali në gusht 2011. Yuri Scheffler, një manjat rus i vodkës, porositi Fincantieri, një kantier detar italian, ta ndërtonte sipas specifikave të tij. Një nga superjahtet më të mëdha në botë, Serene mund të transportojë deri në 64 pasagjerë.
- Dubai – 350 milionë dollarë
Ka kuvertë për banjo dielli, xhakuzi dhe pishinë. Brendësia është zbukuruar me mozaikë të punuar me dorë të modeleve të ndërlikuara.
- Motor Yacht A+ – 527 milionë dollarë (i njohur më parë si Topaz)
Topaz ka një gjatësi totale prej 147 metrash. Në rast emergjence, përfshihet një gjenerator dizel.
This is what $600,000,000 will get you! The yacht Dilbar is a 157 meter (512 ft) motor yacht built by Lurssen. She is the world’s biggest superyacht measured by interior volume. pic.twitter.com/veCQJqywGu
— Ken Rutkowski (@kenradio) March 29, 2019
- Azzam – 600 milionë dollarë
Anija 179 metra mban titullin e jahtit më të madh privat që nga viti 2013. Kantieri gjerman Lürssen Yachts ka krijuar një vepër arti lundruese teknologjikisht të avancuar.
- Eclipse – 1.5 miliardë dollarë
Eclipse u ndërtua në Hamburg nga Blohm + Voss. Ajo karakterizohet si anija e dytë më e madhe në botë. Përfshin 24 kabina për mysafirë, dy pishina, disa vaskë të nxehtë, një disko, tre anije lëshimi, dy helikopterë dhe një mini-nëndetëse që mund të zhytet deri në 50 metra.
- History Supreme – 4.8 miliardë dollarë
Stuart Hughes ndërtoi superjahtin History Supreme për një miliarder misterioz malajzian që përflitet të jetë Robert Kwok, themeluesi i Shangri-La Hotel and Resorts, me një vlerë neto prej 12 miliardë dollarësh. /tesheshi.com/
