Sekretari i Përgjithshëm i Bashkimit Botëror të Dijetarëve Muslimanë, Ali el-Kurre Dagi, postoi një mesazh me video në llogarinë e tij në Twitter në të cilin komentoi për normalizimin e njoftuar të marrëdhënieve midis Bahreinit dhe Izraelit.
Në mesazhin e tij, ai theksoi se “normalizimi i marrëdhënieve me okupatorin është një tradhti sipas gjykimit sheriatik, e gjithashtu sipas standardeve kombëtare dhe universale, duke thënë:
“Si mundet që një njeri të heqë dorë nga e drejta e tij, dhe populli palestinez dhe të gjithë muslimanët kanë të drejtë në këtë vend të bekuar, në Xhaminë tonë Al-Aqsa, në kiblën tonë të parë dhe vendin e Isra dhe Mi’raj-it, në një vend të bekuar për të cilin muslimanët kanë investuar shumë punë, dhe ku muxhahedinët sakrifikuan gjakun e tyre, i cili së pari u çlirua nga Hazreti Omer, dhe më vonë nga Salahudin Ejubi. E gjithë kjo kërkon që ne të qëndrojmë pranë këtij problemi dhe kësaj çështje me të gjitha mundësitë tona, dhe të përshkruajmë të gjithë ata që tradhtojnë këtë gjë me emrin e tyre të vërtetë – tradhtarë!”.
Dhe në një mesazh tjetër, të shkruar, në Twitter, Ali al-Kurre Dagi tha: “Gradualisht, marrëveshjet e normalizimit me armikun sionist po vazhdojnë…Këto marrëveshje janë vetëm një hyrje në marrëveshjen e madhe midis entitetit sionist (Izraelit) dhe Arabisë Saudite, e cila duket e pashmangshme. Unë i bëj thirrje popullit saudit, studiuesve dhe intelektualëve të tyre që të marrin një qëndrim të bashkuar kundër këtij komploti”.
Pas njoftimit të Trump, Bahreini do të jetë vendi i katërt arab që nënshkruan ose bie dakord për të nënshkruar një marrëveshje normalizimi me Izraelin, pas Egjiptit (1979), Jordanisë (1994) dhe Emirateve të Bashkuara Arabe (2020). /tesheshi.com/
