Cilat diploma vlejnë më shumë para në SHBA?

Në një studim të fundit nga Rezerva Federale e New York-ut, diplomat e inxhinierisë u renditën nëntë nga 16 diplomat e kolegjeve më të paguara.

Studentët që diplomohen për inxhinieri kompjuterike janë në krye të renditjes. Ata arrijnë të marrin pagat më të larta, ku paga mesatare vjetore është 73,275 euro. Ato pasohen nga inxhinieria kimike dhe shkenca kompjuterike. Ata që diplomohen në këto fakultete në SHBA fitojnë rreth 68695 euro në vit.

Pritet që një trend i tillë të vazhdojë. Punët STEM (shkencë, teknologji, inxhinieri dhe matematikë) parashikohet të rriten në paga dy herë më shpejt se punët jo-STEM deri në vitin 2031.

Njohuritë teknike, aftësitë matematikore dhe aftësitë për zgjidhjen e problemeve të kërkuara në inxhinieri janë po aq të vlefshme në shumë industri. Kjo është arsyeja pse pagat në këtë profesion janë mesatarisht më të larta në krahasim me profesionet e tjera. Inxhinierët përfitojnë më së shumti edhe nga eksperienca e tyre viteve, ose më saktë paguhen më shumë për to. Sipas të dhënave të mbledhura në sondazh, inxhinierët e moshës 35 deri në 45 vjeç fitojnë mesatarisht paga vjetore gjashtëshifrore.

Ndryshe nga inxhinierët me pagesë të lartë, diplomat më të ulëta të paguara janë kryesisht ato në art ose arsim. Pagën më të ulët në mes të karrierës e kanë ata që e kryejnë arsimin e hershëm dhe parashkollor në SHBA, vetëm 7332 euro më shumë se në fillim të karrierës. /tesheshi.com/