Sipas About.com, Albert Einstein filloi punën si asistent pedagog teknik në Zyrën e Patentave zvicerane në vitin 1902. Më pas ai mori doktoraturën në vitin 1905 dhe botoi disa artikuj shkencorë, kohë kur nisi të rritet dhe të njihet si shkencëtai që të gjithë njohim sot. Që prej vitit 1909, ai pranoi pozitat e mësimdhënies në Universitetin e Cyrihut, Universitetin e Pragës dhe më vonë në Universitetin e Berlinit.
Edhe pse fillimisht ai ishte një asistent teknik zyre dhe më pas punoi si mësues, Einstein vijoi kërkimet dhe shkrimet e tij. Në vitin 1905 shkroi katër artikuj që hodhën bazat e fizikës moderne dhe nisi të fitojë respektin e shkencëtarëve të tjerë.
Ai bëri kërkime për fizikën kuantike dhe përdori teorinë e relativitetit për të modeluar sjelljen e universit në vitin 1917. Në vitin 1921, Einstein fitoi Çmimin Nobel në fizikë. Prezantimi i tretë i rëndësishëm i tij ishte paraqitja e teorisë së relativitetit dhe ekuacioni i famshëm “E-mc2”.
Kur Hitleri erdhi në pushtet në Gjermani, Einstein u largua për në Shtetet e Bashkuara të Amerikës, ku nisi punën si pedagog i jashtëm në Princeton University, në vitin 1933. Në vitin 1939, ai shkroi letrën e famshme për presidentin Franklin Delano Roosevelt, ku i tregonte se si mund të përdoreshin armët nukleare për qëllime ushtarale.
Pas përfundimit të Luftës së Dytë Botërore Albert Einsteinit iu ofrua posti i Presidentit të Izraelit, por ai nuk pranoi. Ndërroi jetë në vitin 1955. /tesheshi.com/
