“Brain rot”(Mpirja e trurit) është emëruar Fjala e Vitit në Oksford për vitin 2024, mes shqetësimeve për efektet e mediave sociale te njeriu, te mendja e tij.
Më shumë se 37,000 njerëz votuan për të ndihmuar në zgjedhjen e fituesit nga një listë e ngushtë prej gjashtë fjalësh e përpiluar nga Oxford University Press, botues i Oxford English Dictionary.
“Mpirja e trurit” përkufizohet si “një përkeqësim i supozuar i gjendjes mendore ose intelektuale të një personi, veçanërisht si rezultat i konsumit të tepërt të materialit (tani veçanërisht përmbajtjes në internet) që konsiderohet i parëndësishëm ose josfidues”.
Oxford University Press tha se termi “fitoi rëndësi të re në 2024 si një term i përdorur për të shprehur shqetësimin rreth ndikimit të sasive të tepërta të përmbajtjes me cilësi të ulët në internet, veçanërisht në mediat sociale”.
Casper Grathwohl, kryetar i Oxford Languages, tha: “‘Mpirja e trurit’ flet për një nga rreziqet e perceptuara të jetës virtuale dhe se si e përdorim kohën tonë të lirë. Ndaj nuk është çudi që kaq shumë votues e kanë përqafuar këtë term, duke e miratuar atë si zgjedhjen tonë këtë vit.”
Fituesit e fundit të çmimit Oxford përfshijnë “rizz”, shkurt për karizëm, i cili mori titullin vitin e kaluar. “Goblin mode” fitoi kurorën në 2022, dhe “vax” nga epoka e pandemisë fitoi në 2021. /tesheshi.com/
