Çifti nga Franca i dhuron restorantin familjes nga Siria

Një çift nga Franca, pas dështimit për të gjetur një blerës për restorantin e tyre, ia kanë dhënë atë falas një familjeje nga Siria, e cila është e vendosur në atë vend.

Naziha dhe Robert Kunz nga qyteti Tournus janë përpjekur gjashtë muaj me radhë për të gjetur një blerës, e pasi askush nuk iu është përgjigjur, çifti vendosi t’ia dhurojë restorantin me emrin “L’Etape Gourmande” një çifti bashkëshortor nga Siria, i cili kishte emigruar në Francë.

Naziha Kunz ka thënë se pasi askush nuk ishte i gatshëm për të ofruar paratë që kërkoheshin, kishin vendosur që t’i dhurojnë restorantin dikujt që ishte pa punë dhe pa strehim. Ajo ka shtuar se mu në atë kohë ata u takuan me një çift bashkëshortor nga Siria.

Çifti nga Siria, të cilët para luftës në vendlindje kanë qenë të angazhuar me organizim të dasmave, në një intervistë për gazetarët, thanë se në restorantin që u është dhënë dhuratë, përgjithësisht do të përgatisin ushqim nga kuzhina siriane dhe libaneze. /tesheshi.com/