Pak para fundit të jetës së tyre janë ish-presidenti amerikan Jimmy Carter dhe bashkëshortja e tij Rosalyn, pasi të dy vuajnë nga probleme të rënda shëndetësore.
Kjo u zbulua nga nipi i tyre, Josh Carter, i cili tha se çifti i moshuar – Carter, 98 vjeç dhe gruaja e tij, 96 – “ende e mbajnë duart e njëri-tjetrit”.
Carter dihet se ka nevojë për kujdes paliativ, ndërsa Rosalyn vuan nga demenca, raporton Guardian.
“Gjyshi im është Jim-i që e njihnim, ai thjesht është i lodhur. Ai është gjithashtu gati 99 vjeç. Gjyshja ime ende kujton se kush jemi dhe se jemi familje”, tha Josh Carter për revistën People.
Ai shtoi se “duhet të jetë e vështirë për Carter të shikojë gruan e tij duke luftuar me demencën”, por “ata ende mbajnë duart e njëri-tjetrit”.
Çifti u martua 77 vjet më parë, në vitin 1946. Carter, pasi shërbeu në Marinën, u bashkua me demokratët dhe u bë guvernator i Georgias në vitin 1971. Pesë vjet më vonë, në 1976, ai u zgjodh president i Shteteve të Bashkuara, duke pasuar Gerald Ford.
Carter është ish-presidenti më i vjetër i gjallë në historinë e SHBA. Në vitin 2002 ai u nderua me Çmimin Nobel për Paqen për përpjekjet e tij ndërmjetësuese pas përfundimit të mandatit të tij.
Në mars, presidenti Joe Biden zbuloi se Carter i kishte kërkuar presidentit aktual të jepte eulogjinë e tij. /tesheshi.com/
