Marrëdhëniet e ndera mes Turqisë dhe Greqisë po sjellin dhe paradokse.
Një gjykatë greke ka refuzuar të esktradojë drejt fqinjit lindor anëtarin e një organizate të cilin vetë e kishte arrestuar për terrorizëm, nën akuzën se ka dashur t’i bëjë atentat Erdoganit, kur ky i fundit të vizitonte Athinën. Bëhet fjalë për shtetasin Hasan Secer, eksponent DHKP-C, një organizate anarkike marksiste-leniniste së cilës i atribuohen shumë atentate edhe me vdekje përgjatë ekzistencës së saj disa-vjeçare.
Secer dhe gjashtë anëtarë të tjerë të kësaj organizate, u arrestuan nga policia greke pak para vizitës së Presidentit Erdogan në Greqi katër muaj më parë. Ndaj tyre, thanë autoritetet e Athinës, u gjendën prova të mjaftueshme se po përgatisnin atentat.
Por tani që raportet mes dy vendeve janë përkeqësuar, Greqia refuzon ta ekstradojë Hasan Secer, me pretendimin se në Turqi nuk do gjykohej drejt. Siç mund të vërehet, është thjesht një cic-mic radhe mes dy vendeve të përfshira nga një acarim marrëdhëniesh. /tesheshi.com/
