Presidenti Thaçi ka “injoruar” shpjegimet konstitucionale të kryeministrit në pritje Albin Kurtin, duke iu drejtuar për herë të tretë me ftesën që të mandatohet si i pari i qeverisë.
Letra nis me “mirëkuptimin” e kreut të shtetit të Kosovës për pamundësinë e Kurtit që t’i përgjigjet dy ftesave të premten, edhe pse, siç u provua, refuzimi ishte qartazi politik.
Sipas shpjegimit të kreut të VV dhënë një ditë më parë, Presidenti mandaton Kuvendin e jo Kryeministrin.
Megjithatë, Thaçi thotë se e pret deri më datë 31 dhjetor.
Por nga ana tjetër ka ardhur sërish refuzimi i Albin Kurtit, që gjithsesi i ka lënë presidentit datën 6 janar si variant takimi. /tesheshi.com/
