Shqipëria konsiderohet si pikë aktive e kalimit të drogës, por edhe si një vend ku lehtësisht pastrohen paratë e lidhura me trafikimin rajonal të armëve, kontrabandës dhe emigracionit të paligjshëm.
Këto janë vlerësimet që përfshihen në faqen zyrtare të Agjencisë Qendrore të Inteligjencës së SHBA, që janë përditësuar në fillim të muajit gusht.
“The world facktbook” është faqja zyrtare ku CIA shkruan se nga Shqipëria kalon ilegalisht edhe një pjesë e vogël e kokainës, që vjen nga Amerika e Jugut me destinacion Europën Perëndimore.
Një tjetër detaj është ai mbi kultivimin e kanabisit në vend, për të cilën thuhet se ka një rritje të prodhimit dhe zgjerim të organizatave shqiptare të trafikimit në Europë.
Ndoshta referuar këtyre vlerësimeve, kryeministri Edi Rama kërkoi në mbledhjen e Task Force kundër drogës, angazhimin dhe koordinimin e të gjithë agjensive ligjzbatuese, përfshi shërbimin secret, Tatimet, Doganat, drejtorinë kundër pastrimit të parave, për të kaluar në sitë të gjitha sipërmarrjet e dyshimta apo çdo pronë, e cila nuk mund të justifikohet apo tregohet prejardhja. /tesheshi.com/
