Padia mes Johnny Depp dhe ish-bashkëshortes së tij, Amber Heard, po evoluon në një thriller, pasi palët po zbulojnë të kaluarën e tyre aspak të lumtur. Sherret, lëndimet dhe detaje të tjera për jetën bashkëshortore të çiftit, janë bërë publike dhe do të luajnë një rol të madh në përfundimin e procesit.
Pak ditë më parë u bë e ditur se Depp solli në sallën e gjyqit historinë me gishtin e prerë, për të cilën dyshohet se është përgjegjës Herd, pas një sherri shpërthyes që patën në vitin 2015.
Orën e fundit, fotot e dëmtimit të rëndë të Depp po bëjnë xhiron e internetit.
Madje, mjeku që i dha ndihmën e parë aktorit, u thirr për të dëshmuar në gjykatë.
Dr. David Kipper zbuloi se ai nuk e dinte se si u dëmtua gishti i Depp kur u thirr për të trajtuar plagën në mars 2015 në Australi.
Mjeku theksoi se Depp-in e kishte gjetur të gjakosur keq dhe njoftoi gjykatën se i kërkoi stafit të kërkonte gishtin e humbur të Depp-it i cili më në fund u gjet. Kipper tha në deklaratën e tij: “Ai tha se e gjeti në zonën e kuzhinës” dhe gjithashtu deklaroi se kishte gjak dhe xhama të thyer në shtëpi.
Më pas doktori iu referua mesazheve që shkëmbeu me Depp-in kur aktori e informoi se i kishte prerë gishtin. Në këtë pike, Dr. David Kipper tha: “Unë mendoj se ai po thoshte po.”
Sipas mjekut, Depp i dërgoi një mesazh Kipper-it pas incidentit duke thënë: “Kam prerë majën e gishtit të mesit… Çfarë duhet të bëj?. Me përjashtim, natyrisht, për të shkuar në spital… .. Më vjen shumë turp … C @@ o njerëz. JD».
Një javë pas vizitës së tij urgjente në spital, Depp i dërgoi sërish një mesazh mjekut të tij: “Faleminderit për gjithçka. Unë kam prerë gishtin e mesëm të majtë të dorës sime për të kujtuar se nuk duhet ta pres më kurrë gishtin!!! Të dua vëlla. Johnny”.
Kipper më në fund tha se Depp kishte raportuar se kishte prerë gishtin me thikë. /tesheshi.com/
