Udhëheqja e Premier League-s angleze ka njoftuar se është miratuar shitja e Chelsea te konsorciumi Boehly-Clearlake, i cili në fillim të këtij muaji ra dakord të paguajë 4.25 miliardë paund për klubin nga Stamford Bridge, raporton Reuters.
Shitja e Chelsea ende nuk është konfirmuar nga qeveria britanike, e cila tashmë ka marrë garanci ligjore se pronari aktual i klubit, Roman Abramovich, nuk do të përfitojë nga shitja.
Kështu, të ardhurat nga shitja do të paguhen në një llogari të ngrirë të kontrolluar nga qeveria britanike.
Konsorciumi që po merr Chelsea-n udhëhiqet nga miliarderi amerikan Todd Boehly, pronar i ekipit MLB Los Angeles Dodgers dhe partnerët e tij janë zvicerani Hansjorg Wyss dhe amerikani Mark Walter. /tesheshi.com/
