Chelsea është rikthyer “fuqishëm” drejt pretendimit Andrea Beloti, sulmuesit të Torinos që ishte ndër shënuesit më të mirë të kampionatit italian për sezonin që u mbyll.
Morata dhe Batshuai nuk mjaftojnë për trajnerin italian Konte, veçanërisht pas disfatës që londinezët pësuan në ndeshjen hapëse të Premier Ligës.
Pikërisht kjo humbje, duket se ka vënë pikat mbi “i” për klubin e Abramovic, i cili ka garantuar blerjen e të paktën 3 lojtarëve të tjerë për blutë e Londrës.
Mes tyre dhe më i preferuari, është pikërisht 21-vjeçari italian, për të cilin Torino ka kërkuar 100 milion euro.
Megjithatë në këtë merkato ku shifra 100 është kthyer në të zakonshme, matur nga milionat e pronarëve arabë të klubeve të mëdha, tashmë nuk është e pamundur që sulmuesi italian t’i bashkohet Chelsea-t.
Merkato do ende kohë të mbyllet, e fillimi i thuajse të gjitha kampionateve, kanë sjellë në vëmendje “kolaudimet” e nevojshme për secilën skuadër. /tesheshi.com/
