Klubi i Napolit duhet të marrë masa: Maurizio Sarri është vënë në shënjestrën e Abramovich. Duke parë që trajneri aktual i Chelsea-t, Antonio Conte me shumë gjasa nuk do të jetë në pankinën e bluve të Londrës për sezonin e ardhshëm, sytë janë hedhur tek një trajner që luan lojë sulmuese dhe me pasime, çka po i mungojnë skuarës aktuale britanike.
Për më tepër që Sarri nuk është ndonjë trajner i profilit milioner, pasi ruan një staturë modeste dhe dinjitoze. Mjaft të përmendim se klauzola për kontratën e tij është vetëm 8 milion euro, ose thënë ndryshe, “asgjë”, krahasuar me trajnerët e tjerë.
Diçka të tillë e ka nuhatur edhe presidenti i Napolit, Aurelio De Laurentis, i cili e ka hequr menjëherë nga vëmendja e publikut klauzolën, duke deklaruar në media, se më tepër sesa shifrat, në mardhënien me Sarrin vlen edhe fjala e dhënë.
Megjithatë në çmendurinë e merkatos së futbollit, gjithcka mund të ndodhë. Edhe pse trajnerët fjalëpak e punë shumë, janë gjithnjë të pëlqyer. /tesheshi.com/
