Halla e djaloshit të vogël refugjat, Aylan Kurdi, i cili u gjet në buzë të detit i mbytur, e ka cilësuar si të shpifur karikaturën e fundit të bërë nga revista satirike Charlie Hebdo.
“Shpresoj që njerëzit ta respektojnë dhimbjen e familjes tonë. Është një humbje e madhe për ne. Nuk jemi më të njëjtët pas asaj tragjedie. Po mundohemi ta harrojmë sado pak dhe të ecim përpara në jetë, por të na lëndosh përsëri nuk është e drejtë”,- ka thënë Tima Kurdi nga shtëpia e saj në Port Coquitlam, B.C.
Karikatura sugjeron se kur Aylan Kurdi të rritej, ai do të bëhej një sulmues seksual apo feminist dhe do të shkaktonte ngjarje si ajo që ndodhi në Cologne të Gjermanisë, natën e ndërrimit të viteve.
Karikatura e Charli Hebdo e përkthyer nga frëngjishtja do të thotë “Migrantët, çfarë do të bëhej i vogli Aylan kur të rritej? Një dhunues në Gjermani”. Piktura e vizatuar përshkruan kafshë si emigrantë që ndjekin një grua.
Tima Kurdi ka thënë se nuk ka folur ende me Abdullah Kurdi, të atin e Aylan, i cili jeton në Kurdistan, por është e shqetësuar se si do të reagojë ai kur të shikojë këtë. “Jam e sigurt se ai do të lëndohet shumë. Nisa të qaj sapo pash këtë. Jam shumë e shqetësuar për tim vëlla”,- thotë ajo./tesheshi.com/
