Princi i Uellsit i shoqëruar me dukeshën Camilla, ndërmorën nëj vizitë në xhaminë e famshme Sheikh Zayed Grand në Abu Dhabi, ku shfrytëzuan rastin të përshëndesin udhëheqësit e besimeve të ndryshme atje.
Ashtu si në të gjitha vendet për adhurim të muslimanëve, vizitorët e rrallë në xhaminë e Abu Dabit hoqën këpucët e tyre. Ndërsa Camilla po qëndronte zbathur gjatë gjithë kohës, Charles ecte nëpër xhami me çorapë të zeza.
Charles dhe Camilla për herë të parë vizituan xhaminë në Abu Dhabi në vitin 2007, kur ajo ishte ende duke u ndërtuar. Ata u kthyen prapë, si pjesë e turneut të tyre në Lindjen e Mesme në emër të qeverisë britanike, pas vizitës që në Oman.
Charles kishte veshur një kostum liri dhe kravatë me shirita, ndërsa Camilla mbante shami blu, xhaketë të gjatë dhe pantallona.
Çifti vizitoi xhaminë, e cila ka llambadarë mahnitës dhe një mur në të cilin janë të paraqitur 99 emrat e Zotit në kaligrafi tradicionale, para se të mësojnë në lidhje me arkitekturën e saj.
Qilimi në sallën kryesore të xhamisë, për punimin e të cilit u deshën 11 vjet, është konsideruar të jetë një nga më të mëdhenjtë në botë. Pas vizitës, Charles dhe Camilla morën pjesë në një pritje për mysafirët e feve dhe kombësive të ndryshme.
Peshkopi i Kishës Katolike Paul Hinder, foli me princin Charles në xhami. “Për mua, vizita ka të bëjë me njohjen dhe pranimin”, tha ai.
“Princi kishte kishte rastin të flasë me ne dhe të shohë tolerancën e ndërsjellë i cili është realiteti në këtë vend”.
“Në gjithë botën, nuk ndodh që të takohemi në një vend të tillë si një formacion i tillë. Duke parë dhe duke përjetuar këtë realitet, ka një ndikim”.
Xhamia është ndërtuar në vitin 2008 dhe qëndron në hyrje të qytetit-ishull Abu Dhabi. Charles dhe Camilla kanë shëtitur përreth xhamisë të shoqëruar nga Sheika Lubna Al Kasimi, e cila u emërua si ministre e re e shtetit për tolerancë. /tesheshi.com/
