Roma ka bërë mbase surprizën më të madhe të këtij sezoni në Champions League, duke eliminuar në çerekfinale Barcelonën.
E ka bërë këtë pas një humbjeje 4-1 në “Camp Nou”, me një përmbysje rezultati të paimagjinueshme në “Olimpico”, në një mbrëmje të paharrueshme.
Dzeko, De Rossi dhe Manolas ishin shënuesit e tre golave në fitoren 3-0; fitore që e çon Romën në gjysmëfinalet e Champions League-s dhe i jep goditjen më të madhe sezonale Barcelonës.
Liverpuli është kualifikuar po ashtu teksa ka mposhtur në transfertë 1-2 Mançester Sitin. Kjo ishte fitorja e dytë për Liverpulin, pas rezultatit 3-0 në sfidën e parë.
Gabriel Jesus u dha vendasve shpresë me golin e minutës së dytë, por Salah dhe Firmino e kthyen erën në favor të Liverpulit me golat e tyre në pjesën e dytë. /tesheshi.com/
