Champions League (faza e grupeve) filloi me pothuajse 9.400 milionë euro. Kjo është vlera e përgjithshme, sipas Transfermark, e 32 skuadrave që nisin luftën për të fituar trofeun e më të rëndësishëm europian për klubet, i cili do të përcaktohet të shtunën e fundit të 26 majit, në Kiev.
Një luftë e pabarabartë midis elitës së futbollit kontinental dhe skuadrave të ligave të vogla, që vetëm duke marrë pjesë do të shohin rritjen e ekonomisë së tyre.
10 klubet më të vlefshme të Champions League grumbullojnë më shumë se 60 për qind (62,43 për qind, në veçanti) të vlerës totale të turneut.
10 skuadrat më modeste mbledhin vetëm 6.47 për qind të vlerës së lojtarëve të kompeticionit.
Renditja kryesohet nga Real Madrid. Zidane ka një “ushtri” prej 743.8 milionë euro në dispozicion të tij.
Megjithatë, lojtari me vlerësimin më të lartë është pjesë e skuadrës së dytë në vlerë të përbashkët, Lionnel Messi, te një Barcelonë prej 706.50 milionë.
Pas Blaugranëve, Premier League ka katër skuadra në “top 10”: Chelsea (3, 614.4 milionë euro), Manchester City (4. 558.5 milionë euro), Manchester United (6, 565, 75 milionë euro) dhe Tottenham (10, 492.25 milionë euro).
Atletico Madrid është i nënti, me një skuadër në vlerën e 511 milionë eurove.
Me një vlerë 53 herë më të ulët se grupi i bardhë duket skuadra më modeste në Champions: sllovenët e Mariborit, me vlerën e 13.95 milionë eurove.
Skuadra tjetër është Qarabag 17.28 milionë euro dhe APOEL 18.5 milionë euro. Ndërkohë Baseli vlen 48.35 milionë euro. /tesheshi.com/
