Liverpool u shpall kampion i Europës me ndoshta lojën më të dobët në Champions, përballë një Tottenham-i që u përpoq sa mundi, pa arritur të suprizojë gjithsesi, për ta sfiduar rivalin e Premier League-s.
Një 2-0 me një gol në çdo pjesë, një në fillim të ndeshjes me Salah (11-metërsh), e një në fund me Origin, “The Reeds” nën drejtimin e gjermanit Jurgen Kloop, arriti dhe njëherë të rikthehet në majat e futbollit kontinental, duke fituar Champions e konfirmuar si një ndër ekipet elitare të Europës. Ky ishte i gjashti triumf i Liverpool në Champions League, duke mbajtur kështu kurorën europiane.
Por e gjitha ndodhi në një finale tejet të zakonshme, pa emocione të forta, e ndoshta më e thata në historinë e këtij kompeticioni.
Që të dy ekipet, erdhën në finale duke dhuruar spektakël në dy gjysëmfinale, Liverpool me Barcelonën e Tottenham me Ajax-in. Ndërkohë që më parë, “The Reeds” kishte eliminuar Bajernin e “Spursat” – Manchester City-n.
Ishte gjithashtu një finale angleze, një rast unik në Champions, siç dhe në Europa League ku u përballën po ashtu dy ekipe angleze, Chelsea e Arsenal. Një edicion që foli vetëm anglisht, si kurrë më parë…./tesheshi.com/
