Leipzig dhe Atalanta janë skuadrat e para që kualifikohen në çerekfinalen e Champions League. Të dy klubet ruajtën avantazhin nga ndeshjet e para, duke u shfaqur dhe më spektakolare në ato të kthimit.
Dueli i Mourinho “real” dhe “baby” edhe një herë i takoi të riut Julian Nagelsmann. Leipzig mposhti Tottenham-in e zbehtë në fushën e vet 3-0, pa e diskutuar në asnjë moment fitoren me n/kampionët e Europës.
Tifozët e Tottenham shpresuan për një përsëritje të suksesit të vitit të kaluar me Ajax, por mrekullia nuk ndodhi. Përkundrazi, ishte 3-0 dramatike.
Ndërsa në Spanjë përballë Valencias, pikërisht në “Mestalla”-an e zbrazët për shkak të koronavirusit, Atalanta rikonfirmoi formën e shkëlqyer. Pas një 4-1 në Bergamo, edhe një 3-4 në fushën kundërshtare, me Iliç që shënoi të katër golat për italianët. /tesheshi.com/
