Dylan dhe Deiniol nga Britania e Madhe, tërhoqën vëmendjen e mediave vitin e kaluar pasi lindën para kohe në gati 25 javë. Dylan peshonte pak më shumë se 900 gram, ndërsa vëllai i tij Deiniol rreth 850.
Nëna e tyre Hannah Zimunya, 28 vjeçe dhe babai Xavi, 40 vjeç, të cilët kishte dhe tre fëmijë të tjerë, u zbehën kur mjekët u thanë që të përgatiteshin për më të keqen. Mushkëritë e foshnjave ishin aq të pazhvilluara sa u transferuan urgjentisht në njësinë e kujdesit intensiv në Spitalin Royal Bolton.
Atje, ata ishin të lidhur me aparatet e frymëmarrjes dhe të mbështjellë me qese plastike të veçanta për të krijuar nxehtësi dhe lagështi të ngjashme me kushtet në stomakun e nënës së tyre.
Pas 14 javësh në spital, gjendja e Dylan filloi të përmirësohet dhe mjekët u thanë prindërve se mund ta çonin në shtëpi. Por Deiniol ende po merrte frymë me pajisje dhe gjithnjë e më shumë po dështonte pasi u nda nga vëllai i tij.
Mjekët rregulluan gjithçka që Dylan të kthehej në shtëpi, dhe u thanë prindërve të tij se do të ishte mirë t’i thoshte lamtumirë Deiniolit të vogël sepse nuk kishte shumë shanse për të mbijetuar. Sidoqoftë, vetëm pesë minuta pasi e futën Dylanin te vëllai i tij i paaftë në inkubator, ndodhi një mrekulli. Nivelet e tij të oksigjenit u rritën dhe gjendja e tij filloi të përmirësohet ndjeshëm. Tani janë si kokra e mollës. /tesheshi.com/
