Në Brazil, Marcelo Rocha Santos u sos pas një kafshimi të tmerrshëm prej një peshkaqeni, pasi u fut në det për të urinuar. Santos u nxorr nga uji pa të ndenjura dhe pa një pjesë të njërës këmbë, ndodhur kjo në një plazh në qytetin e Jaboatao dos Guararapes.
Ai po qëndronte në plazh me miqtë ku po pinin, dhe meqenëse nuk ka tualete publike afër, ai hyri në ujë deri në bel me një mik tjetër rreth orës 2 të pasdites për të lehtësuar veten, raporton Daily Mail.
Uji ishte i turbullt, pasi sepse po frynte një erë e fortë dhe para kësaj binte shi, kështu që sulmi i peshkaqenit ishte krejt i papritur.
Një mik që ishte me të në ujë tha se në një moment Santos u zhduk nën ujë ku po luftonte me egërsirën ujore dhe ku shumë gjak mund të shihej në të njëjtën kohë.
Burri fatkeq u tërhoq zvarrë në plazh, ku u shtri pa ndjenja pa të ndenjurat dhe me plagë në këmbë, nga ku u transferua në një spital aty pranë dhe u shpall i vdekur.
Megjithëse ekipet e shpëtimit ishin të pranishëm në plazh, mediat e huaja deklarojnë se ato nuk mund të bënin asgjë për të ndihmuar burrin.
Sulmi ndodhi në plazh ku janë raportuar 12 sulme peshkaqenësh deri më tani.
Nuk dihet se cilat specie peshkaqenësh e sulmuan atë, por ekspertët vlerësojnë se bëhet fjalë për një dem ose një peshkaqen tigër. /tesheshi.com/
