Këshilla mjekësore për të marrë ilaçin para, gjatë ose pas një vakti ndoshta është e vështirë për t’u kuptuar, por ajo është e rëndësishme, thonë farmacistët gjermanë.
Ilaçet duhet të merren në një kohë të caktuar, për shkak se ushqimi mund të ngadalësojë ose të përshpejtojë thithjen e tyre, si dhe të forcojë apo dobësojë efektin e tyre, thotë Shoqata Gjermane e Farmacistëve të Saksonisë së Ulët.
Nëse u është rekomanduar të merrni ilaçin para ngrënies, kjo do të thotë një gjysmë ore për një orë para një vakti, këshillon Shoqata.
Nëse ilaçi duhet të merret me një vakt, kjo do të thotë pak minuta para ose pas një vakti, ose gjatë një vakti.
Marrja e ilaçit me stomak bosh do të thotë ose menjëherë pas ngritjes nga shtrati, ose të paktën dy orë pas një vakti. /tesheshi.com/
