Përgjithësisht, pas palestrës ndihemi të uritur dhe trupi ynë kërkon diçka për të ngrënë, në mënyrë që të furnizohet me energjitë e nevojshme. Problemi në të tilla raste është se nuk dimë çfarë të hamë, duke qenë se ka shumë ushqime që mund të na dëmtojnë dhe të na hedhin në kosh të gjithë punën e bërë në palestër.
Kur ushtroni aktivitet fizik, muskujt ezaurojnë depozitat e karbohidrateve duke i përdorur ato për energji. Nëse doni që të ushqeni muskujt e të rrisni masën e tyre muskulare, duhet që brenda 10 minutave pas aktivitetit fizik të konsumoni një vakt të vogël, i cili të përmbajë karbohidrate dhe proteina së bashku, në rapor 4:1.
Një zgjedhje praktike është qumështi me kakao dhe mjaltë. Qumështi përmban karbohidrate dhe proteina, mjalti përmban enzima përveç karbohidrateve dhe kakao i pastër përmban minerale të çmuara për muskujt, si magnez dhe hekur, të cilat së bashku me antioksidantët ndihmojnë të rikuperojnë “stresin” muskulor./tesheshi.com/
