Një prej gjërave të rekomanduara nga ekspertët para se të bini në gjumë, është që jo vetëm të shkëputeni nga puna, por nga çdo lloj impenjimi tjetër, edhe i llojit argëtues.
Hulumtuesit kanë rënë dakord se çfarëdo lloj ekrani para gjumit, do t’i bëjë më shumë dëm sesa dobi shëndetit tuaj.
Drita blu nga telefoni juaj imiton ndriçimin e diellit, duke i thënë kështu trurit që të ndërprejë prodhimin e melatoninës, një hormon i rëndësishëm në organizmin tuaj i cili ndihmon rregullimin e ritmit cirkadian, dhe i tregon trupit kur është koha për të fjetur dhe kur është koha për t’u zgjuar.
Kjo çon jo vetëm deri tek një gjumë i dobët, por edhe deri te problemet me të parit, kanceri dhe depresioni.
Ndaj, ndërpriteni së kontrolluari e-mailin, rrjetet sociale dhe lojërat në telefonin tuaj para se të bini për të fjetur.
Sado e vështirë të jetë për ju kjo ‘sakrificë’, në planin afatgjatë ky investim do ta shpaguajë veten shumëfish. /tesheshi.com/
