Ushqimi i shëndetshëm – Shpesh gjendja jonë e brendshme provokohet nga faktorë të jashtëm siç janë uria, dieta e parregullt, dieta e varfër, me pak vitamina dhe minerale, dhe të ngjashme. Kjo prish harmoninë e trupit, i cili na sinjalizon se puna nuk është mirë, andaj edhe ne fillojmë të ndihemi keq. Në këtë gjendje, përnjëherë fillojnë të vijnë edhe mendimet negative, e pastaj edhe ndjenjat negative. Mendja dhe trupi janë të lidhura në mënyrë të pazgjidhshme njëra me tjetrën…
Aktivitetet fizike – Trupi ka nevojë për lëvizje dhe gjithashtu sinjalizon se ndihet keq për shkak të mos-përdorimit të disa pjesëve të saj. Trupi do të jetë i plotë dhe funksional, dhe nëse nuk ia sigurojmë këto kushte, ai na dërgon sinjale se ndihet keq dhe atëherë edhe ne fillojnë të ndihemi keq. Në këtë gjendje përnjëherë vijnë edhe mendimet negative, pastaj edhe ndjenjat negative. Përveç kësaj, derisa ne bëjmë ushtrime fizike, fillon të prodhohet hormoni serotonin, i ashtuquajturi hormon i lumturisë, dhe ne fillojmë të ndihemi të kënaqur.
Shmangja e të gjitha llojeve të varësisë – Alkooli, droga, duhani, të tepruarit me ushqim, uria, etj, në të gjitha aspektet janë armiq të shëndetit tonë mendor (dhe fizik). Është e rëndësishme të shmangemi nga çdo varësi dhe ekzagjerim çfarëdo qoftë. Moderimi është nëna e urtësisë, por edhe e shëndetit.
Kujdesi kur jemi të sëmurë fizikisht/pushimi kur jemi të lodhur – Të kudjesemi për veten kur ndjehemi të sëmurë, të dobët, nën stres, të mërzitur, apo të trishtuar – të bëjmë gjëra që na ndihmojnë të ndihemi më mirë (pushimi, ushqimi i shëndetshëm, të shkojmë në një shëtitje të shpejtë, një filxhan kafe/çaj me një person të afërt ose bisedë me dikë që ju i besoni, t’i përgatisni vetes një dush …)
Ndijeni veten dhe sinjalet që u dërgojnë trupi dhe mendja juaj – Nëse as atëherë nuk ndiheni më mirë dhe në qoftë se ajo çfarë ju mërzit bëhet problem i juaj i përditshëm, rekomandimi ynë: vizitoni një ekspert. /tesheshi.com/
