Dje, si Basha e si Berisha, të dy kanë kujtuar dhjetë vjetorin e heqjes së vizave me BE-në, ndodhur teksa ishin në pushtet, duke ia atribuar vetes. Në fakt, ata thjesht plotësuan kriteret e kërkuara nga Brukseli, pasi heqja e vizave kishin kryekëput projekt europian e aspak arritje e PD-së. Mjafton fakti se vizat u hoqën dhe për Maqedoninë e Malin e Zi, pra krahas Shqipërisë.
Më pas, Berisha premtoi me një spekullacion të pastër politik se do hiqte vizat me SHBA-në(!).
Dhe po spekullativisht, deri në nivel naiviteti të rëndomtë politik, këtë e premton Basha tashmë, njëherësh duke thënë se idenë ia vodhi Berisha
Në një reagim nga forca e Bashës, Demokratët Euroatlantikë, thuhet se “ky angazhim i Berishës nuk është gjë tjetër veçse një rrëmbim i shëmtuar nga programi i prezantuar në 1 qershor nga Lulzim Basha, i cili në platformën për politikën e jashtme premtoi si angazhim elektoral heqjen e vizave me Shtetet e Bashkuara të Amerikës.
Kjo vjedhje e programit të Lulzim Bashës nga ana e Sali Berishës që tregon shterpësi politike për të prodhuar ide origjinale, bëhet edhe më qesharake kur kujtojmë se ai që premton heqjen e vizave me Shtetet e Bashkuara të Amerikës, nuk udhëton dot vetë drejt SHBA, e jo më të marrë angazhimin për heqjen e vizave për shqiptarët, kur konsiderohet i padëshirueshëm nga partneri strategjik i Shqipërisë”. /tesheshi.com/
